रंग खबर काठमाण्डौं । फुर्सदको समयलाई सदुपयोग गर्न कलाकार भन्दा बढी कसले जानोस् । त्यही भएर होला वसन्त निरौला निर्देशित फिल्म ‘आवेग’ कि नायिका पवित्रा आचार्य अहिले कम्मर मर्काउन चितवन पुगेकी छिन् ।
‘आवेग’ को डबिङ काम सकिएलगत्तै पब्लिसिटी दौडधुप सुरु हुनु पहिलेको फुर्सदिलो समयलाई सदुपयोग गर्दै शनिवार मात्रै किशोर अनुरागको निर्देशनमा तयार हुँदै गरेको एक म्युजिक भिडियोमा अभिनय गर्नका लागि उनी त्यहाँ पुगेकी हुन् । ‘रेड’ अनि ‘ह्वाईट’ ड्रेसमा सजिँदै उनी त्यँहा कम्मर मर्काइरहेकी छिन् ।
प्रमोद खरेलको स्वर रहेको ‘सम्बन्धको धागो चुँडाई’ बोलको गीतमा अभिनय गर्न पवित्रालाई मोडल कमल चालिसे र बिमल केसीले साथ दिएका छन् । यो भिडियोलाई नरेन्द्र सिंहले खिचेका छन् । भने गीतमा संगीत पुर्ण परियारले भरेका छन् । भिडियोमा पर्यटकिए नगरी सौराहा र नारायणगढका दृश्यहरु समावेश छन् । भिडियो केहि दिनमा नै सार्वजनिक गरिने निर्माण पक्षले जनाएको छ ।
