नेपाल आएर शाहरुखले भने– “म पनि ‘मिडल क्लास’ कै मान्छे, संघर्षले यहाँसम्म”



अनिल यादव, काठमाण्डौं, फागुन २५– ‘अहिले त मेरो आमाबुबा हुनुहुन्न । तर म पनि मिडल क्लासकै मान्छे थिए । मेरो आमाबुबाले दिएको शिक्षा र त्यसपछि मैले गरेको संघर्ष र मिहेनतका कारण नै म आज यहाँ सम्म आइपुगेको छु’, राजधानीको हायात होटलमा आयोजित एक कार्यक्रममा बलिउड बादशाह शाहरुख खान हिन्दीमा भन्दै थिए– ‘त्यसैले तपाईहरु पनि आफ्नो सन्तानलाई पढाउन र सिकाउन कहिल्यै पछाडी नपर्नुस् । ’ ठेकेदारहरुसंग साक्षात्कर कार्यक्रममा उनले यसो भनिरहँदा सुन्ने सबै गम्भिर देखिन्थे ।
Shahrukh Khan Nepal 3

शाहरुखले सो कार्यक्रममा आफ्ना चर्चित फिल्महरु डन, देवदास, चेन्नई एक्सप्रेस, जबतक है जान, ह्याप्पी न्यू इयरको डायलगहरु सुनाएर सहभागीलाई मनोरंजन दिलाएका थिए । ब्राण्ड एम्बेसडरसमेत रहेको शाहरुखलाई न्यारोलेक पेन्ट्सले नेपाल ल्याएको हो । दिउँसो ३ बजे त्रिभुवन विमानस्थलमा आफ्नै चार्टड प्लेनबाट अवतरण गरेको शाहरुखले पत्रकार, न्यारोलेक पेन्ट्सका ठेकेदार र इन्जिनियरसंग हायात होटलमै बेग्लाबेग्लै रुपमा साक्षात्कार गरेका थिए ।
Shahrukh Khan In Nepal

तर सांगीतिक माहोलबिचको विशेष कार्यक्रम भने दरबारमार्गको याक एण्ड यती होटलमा भएको थियो । जहाँ पेन्ट्सका डिलर र विजेताहरुको उपस्थिती थियो । सो कार्यक्रममा शाहरुखका अघि नेपाली नायिका प्रियंका कार्कीले शाहरुखकै पाँच ब्लकबस्टर फिल्मको गीतमा नृत्य प्रस्तुत गरेकी थिइन् ।
Shahrukh Khan Nepal 4

March 2015
S M T W T F S
1234567
891011121314
15161718192021
22232425262728
293031  

यता लगभग डेढ घण्टाको लामो पर्खाइपछि शुरु भएको पत्रकार साक्षात्करमा भने शाहरुख छोटो समयमात्र स्टेजमा देखिए । यद्यपी शाहरुखसंगै आएका चर्चित होस्ट ए.के रहमानले कार्यक्रमलाई बोर भने हुन दिएका थिएनन् । नेपाली मोडल तथा नायिका अकेशा विष्टले पनि कार्यक्रम संचालनमा सघाएकी थिइन् ।
Shahrukh Khan Nepal

पत्रकारका सामु छोटो समय देखिएका शाहरुखले नेरोल्याक पेन्टसको दिगो विकास अभियान अन्तर्गतको वातावरण मैत्री फेसबुक पेज ‘यू-क्यान’ उद्घाटन गरेका थिए । पेजको उद्घाटन गर्दै खानले नेरोल्याकका पेन्ट क्यानहरुलाई सुन्दर गमलाका रूपमा परिवर्तन गर्न उत्कृष्ट पाँच गमलालाई पुरस्कृत गरिने पनि बताए।

Shahrukh Khan 1त्यसपछि शाहरुखलाई पत्रकारहरुले दुईवटा प्रश्नमात्र सोध्न पाएका थिए ।  । छोटो तालिका रहेको भन्दै उनले पत्रकारहरुसंग स्टेज मुनि ओर्लिएर तस्विर खिचाएका थिए ।
पत्रकारहरुको तर्फबाट सोधिएको दुई प्रश्नमध्ये एक यस्तो थियो– ‘तपाईले चाहेको तर अहिलेसम्म पुरा नभएको त्यस्तो केही छ ? ’ जसमा शाहरुखले आफुलाई सबैले ‘किङ खान’ भनिने त्यो हुनुको औचित्य दर्शाए । उनले भने– ‘किङ त्यो हुन्छ जसले सधै आफ्नो भन्दा अरुको लागि सेवा गर्छ त्यसैले म सधै अरुको सेवामा समर्पित हुन रुचाउँछु चाहे त्यो अभिनयकै माध्यमबाट किन नहोस् ।’
Shahrukh Khan with Akesh Bista

शाहरुखले आफ्नो हिजो आउने तालिका रहेपनि प्राविधिक कारणले आउन नसकेकोमा माफी समेत मागे । उनले नेपालमा आफ्नो अत्याधिक समर्थकहरु रहेकोमा निकै उत्साहित रहेको समेत सुनाए ।
Shahrukh Khan final Nepal

१५–१६ वर्षअघि नेपाल आएको स्मरण गर्दै शाहरुखले पुन : नेपाल आउने प्रतिवद्धता समेत पत्रकारसामु गरे । उनले भने– ‘तेश्रोपटक सपरिवारसहित नेपाल आउने छु ।’

शाहरुखलाई हेर्न समर्थकको भिड
Shahrukh Khan nepal 2
शाहरुख नेपाल आउने भनिएपछि उनका समर्थकहरुको दिउँसो २ बजेबाट एयरपोर्टमा भिड लागेको थियो । त्यो भिडलाई शाहरुखले पनि ‘इग्नोर’ भने गरेनन् । सधै आफ्नो फ्यानलाई आफ्नो भगवान ठान्ने शाहरुखले शुरुमा नेपाली शैलीमा नमस्ते गरेपछि ति समर्थकहरुलाई ‘फ्लाईङ किस’ दिएका थिए । हायात र याक एण्ड यती आसपास पनि शाहरुखका समर्थकहरुको सडक नै भरी भिड लागेको थियो जसलाई सम्हाल्न सुरक्षाकर्मीलाई हम्मे–हम्मे परेको थियो ।

यस्तै शाहरुख खानले नेपाल र नेपालको सुन्दरतामाथि प्रशंसा गर्दै ट्वीट समेत गरेका छन् । उनले गरेको ट्वीट यस्तो छ :-
shahrukh khan tweet

प्रतिक्रिया दिनुहोस्