पछिल्लो समय अन्तर्राष्ट्रिय मंचमा नेपाली फिल्महरुले पनि प्रभाव जमाउन थालेका छन् । केहि दिन अगाडी मात्रै निर्देशक मिन बहादुर भामको स्क्रिप्ट ‘चिसो वर्ष’लाई ‘टुवेल्फ पुन्टो स्क्रिप्ट ल्याब’ले १ करोड ३ लाखको पुरस्कार दिएको थियो ।
All photos are copyrighted and may be used by press only for the purpose of news or editorial coverage of Sundance Institute programs. Photos must be accompanied by a credit to the photographer and/or ‘Courtesy of Sundance Institute.’ Unauthorized use, alteration, reproduction or sale of logos and/or photos is strictly prohibited.
१२ पुन्टो ल्याबले वर्षेनी उत्कृष्ट स्क्रिप्टलाई पुरस्कृत गर्दै आइरहेको छ ।
यसैबीच इटालीमा आयोजित ‘एसोलो आर्ट फिल्म फेस्टिभल’मा अङ्कित पौडेलले निर्देशन गरेको फिल्म ‘सङ अफ दि क्लाउड’ले पनि पुरस्कार जितेको छ । मृत्युपछिको जीवन कल्पनामा तयार फिल्मले आर्ट फिल्म विधातर्फ ५ सय युरोसहितको पुरस्कार जितेको हो ।
नेपालको अस्कर कलेजबाट फिल्म निर्माणमा स्नातक गरेका पौडेलको यो फिल्म सनडान्स फिल्म फेस्टिभलमा पनि प्रिमियर भैसकेको छ । त्यसयता अटलान्टा फिल्म फेस्टिभल, पामस्प्रिङ इन्टरनेसनल सर्ट फेस्ट, दि नर्वेजियन सर्ट फिल्म फेस्टिभल, डोकु फेस्ट जस्ता फेस्टिभलमा फिल्मले सहभागिता जनाइसकेको छ ।
यस्तै ‘सङ अफ दि क्लाउड’ले वर्ल्ड फेस्ट हस्टन इन्टरनेसनल फिल्म फेस्टिभलमा ब्रन्ज रेमी अवार्ड पनि जितिसकेको छ ।
२० भन्दा बढी प्रोजेक्टमा छायांकारको रुपमा काम गरिसकेका पौडेलको यो निर्देशकीय डेब्यु फिल्म हो ।