‘डी सिने अवार्ड’ बाह्रौं संस्करणको मनोनयन सार्वजनिक

रंगखबर, काठमाडौँ – ‘छायाँछवि डी सिने अवार्ड’ बाह्रौं संस्करणको उत्कृष्ट पाँचको मनोनयन सार्वजनिक गरिएको छ । कोरोना महामारीका कारण दुई वर्षदेखि आयोजना हुन नपाएको अवार्ड चैत १२ गते धुलिखेलमा सम्पन्न हुनेछ ।

२०७६ सालमा रिलिज भएका फिल्म मध्ये ३६ ओटा प्रतिस्पर्धामा आएका छन् ।

‘कबड्डी कबड्डी कबड्डी’, ‘मारुनी’, ‘हजार जुनीसम्म’, ‘जात्रै जात्रा’ र ‘छ माया छपक्कै’ उत्कृष्ट फिल्मको होडमा छन् । यिनै फिल्मबाट रामबाबु गुरुङ, नवल नेपाल, विकासराज आचार्य, प्रदीप भट्टराई र दीपेन्द्र लामा उत्कृष्ट निर्देशनको प्रतिस्पर्धामा छन् ।

यस्तै उत्कृष्ट अभिनेताको दौडमा पनि माथि उल्लेखित फिल्मबाटै क्रमस… दयाहाङ राई, पुष्प खड्का, आर्यन सिग्देल, विपिन कार्की र दीपकराज गिरी मनोनयनमा परेका छन् ।

उत्कृष्ट अभिनेत्री तर्फ वर्षा सिवाकोटी (वीर विक्रम २), साम्राज्ञी राज्यलक्ष्मी शाह (मारुनी), नम्रता श्रेष्ठ (जाइरा), सुरक्षा पन्त (आमा) र केकी अधिकारी (छ माया छपक्कै) मनोनयनमा छन् ।

अवार्डका अध्यक्ष शान्तिप्रियका अनुसार कोरोनाले दुई वर्ष अवार्ड रोकिएपनि अबदेखि हरेक वर्ष समारोह आयोजना हुनेछ ।

अवार्डको निर्णायक मण्डलमा लेखक तथा निर्देशक कलाकार मोहन निरौला, निर्देशक राजेन्द्र उप्रेती, संगीतकार सन्तोष श्रेष्ठ र अभिनेत्री तथा साहित्यकार शोभिता सिंखडा रहेका छन् ।

पूर्ण मनोनयन