रंगखबर, काठमाडौँ – ज्ञानेन्द्र देउजा निर्देशित फिल्म ‘झिँगेदाउ’को गीत रिलिज भएको छ ।
आगोबिना बिंडी जल्दैन’ बोलको गीतमा फिल्मका मुख्य कलाकार केकी अधिकारी, आँचल शर्मा, मुकुन भुषाल र कुशल विष्ट फिचर्ड छन् ।
लोकशैलीको गीतको भिडियोमा मौलिकता झल्काउने कोशिस गरिएको छ ।
अर्जुन पोखरेलको संगीत र मुक्त उदासको शब्द रहेको गीतमा शान्तिश्री परियार र प्रविण बेडवालको स्वर छ ।
ललितपुरको श्रीकाली चौरमा खिचिएको गीतमा रामजी लामिछानेको कोरियोग्राफी छ ।
भीमनिधि तिवारीको कृतिमा आधारित फिल्ममा हिउँवाला गौतम, संगम भण्डारी, विजय देउजा, अयन खड्का, अभयराज बराललगायतका कलाकारहरुको पनि अभिनय छ ।
भदौ १७ देखि सार्वजनिक प्रदर्शनमा आउने फिल्मको संवाद प्रदीप भारद्वाजले लेखेका हुन् ।
सुलभ प्रतिक देउजा र समिक्षा देउजाले निर्माण गरेको फिल्मका सहनिर्मातामा सुशील दाहाल र ईश्वर घिमिरे छन् ।