रंगखबर, काठमाडौँ: शोभित बस्नेतले निर्माण गर्न लागेको फिल्म ‘जय हो’का लागि निर्देशक फाईनल भएका छन। फिल्मको निर्देशन टेक पौरखी राईले गर्ने भएका छन। सोमबार निर्माण टिम र निर्देशक राई बीच कागजी सम्झौता भएको हो। माघको अन्त्य तिर फ्लोरमा जाने फिल्मको छायांकन काठमाडौँ, पोखरा, मुस्ताङ र अस्ट्रेलियामा हुने जानकारी निर्माण टिमले दिएको छ।
फिल्ममा सलोन बस्नेतको मुख्य भूमिका रहनेछ। निर्देशक राई र सलोनको यो दोश्रो सहकार्य हुनेछ। यस अघि सलोन र राईले फिल्म ‘मिलन’मा संगै काम गरिसकेका छन। सुरेश न्यौपानेको कथामा बन्न लागेको फिल्ममा सागर आले मगरको संगीत रहनेछ। राज के अधिकारी र सुरज सरकारको लगानी रहने फिल्ममा हालसम्म सलोन मात्र फाईनल भएका छन, भने अन्य कलाकारहरु चाडैनै फिक्स हुने जानकारी पनि निर्माण टिमको छ। फिल्म सलोन सलिना फिल्म्सको ब्यानरमा निर्माण हुदैछ।
