रंग खबर, काठमाण्डौँ । प्रसंग हो सोमबार बेलुका नायिका नम्रता श्रेष्ठद्वारा आयोजित प्रेस मिटको । जँहा नम्रताले आफ्नो प्रोडक्शन कम्पनी ‘हाइली हाई इन्टरटेन्मेन्ट’ को घोषणा गरिन् । त्यती नै बेला एकजना संचारकर्मीले महानायक राजेश हमाललाई प्रश्न तेस्र्याइ हाले– ‘तपाई चाँही कहिलेदेखि प्रोडक्शनमा लाग्नुहुन्छ ?’
सार्वजनिक कार्यक्रममा प्रायजसो गम्भिर भएर बोल्ने राजेशले यसको जवाफ भने ठट्टयौली पारामा दिए । भर्खरै मधु भट्टराईसंग विवाह बन्धनमा बाँधिएका उनले भने– ‘विवाहित मान्छे हु । प्रोडक्शन त भइहाल्छ नि । मेरो प्रोडक्शन चालु छ ।’
उनले यसो भनिरहँदा कार्यक्रम हलमा सहभागिहरु विच हासो छुट्यो । औपचारिक रुपमा यस्तो प्रतिक्रिया दिएका राजेशले अनौपचारिक रुपमा पनि संचारकर्मीहरुसंग यो विषयमा कुरा गर्न भ्याए । उनले आफुहरु बच्चा भएकाले तत्कालै प्रोडक्शन गर्ने बेला नभएको बताए । आफ्नी पत्नी मधु श्रीमतीभन्दा पनि साथी जस्तो रहेको हमालको तर्क थियो । हमालले जे भनेपनि उनको चालु प्रोडक्शन कहिले पुरा हुन्छ त्यो त समयले बताइनै हाल्छ ।