रंग खबर,काठमाडौँ । विश्वका कान्छा निर्देशकको उपमा पाएका सौगात विष्टले नयाँ फिल्म निर्देशनको घोषणा गरेका छन् | ८ बर्षकै उमेरमा ‘लव यु बाबा’ नामक फिल्म निर्माण गरेर चर्चामा आएका सौगातले अब ‘हैरान’ नामक फिल्म निर्देशन गर्नेछन । ‘हैरान’को राजधानीस्थित एक कार्यक्रमका बीच औपचारिक घोषणा गरिएको हो ।
कार्यक्रममा बोल्दै सौगातले आफुले दुई तिन बर्षको अन्तरालमा फिल्म बनाइरहने र आफ्नो पढाईलाइ पनि बाधा नपुर्याउने बताए । आम नागरिकले दैनिक काममा खेप्ने तथा हरेक पेशा तथा वर्गमा व्याक्तिहरुले खेपिरहेको हैरानीको कथा नै फिल्मको मुख्य विषयवस्तु रहने निर्माण युनिटले बताएको छ।
फिल्ममा निर्देशक पिता गजित बिष्ट, निश्मा घिमिरे, पुस्कर रेग्मी, सलोन बस्नेत, शिशिर भण्डारी, गायक सत्यराज आचार्य, निर्मल शर्मा, नारायण घिमिरे, ओसिन रजा र आँचल शर्माले अभिनय गर्नेछन । र फिल्मको लागि मुख्य कलाकारका रुपमा भने एक जना बाल कलाकारको खोजि भैरहको निर्माण युनिटले बताएको छ । जसका लागि ‘हैरान’ युनिटले छिट्टै नै देशभर अडिशन गर्ने छ ।