रंग खबर, काठमाडौँ | दिपेन्द्र के खनालको निर्देशनमा बनिरहेको फिल्म ‘लभ लभ लभ’को एक गीतको छायांकनका तस्बिर सार्वजनिक भएका छन्। रसुवा जिल्लामा पर्ने पवित्र धार्मिक स्थल गोसाईकुण्डमा खिचिएका तस्विर लोभलाग्दा छन् ।
करिब नौ दिन लगाएर छायांकन गरिएको ‘के यो माया हो कि के हो.. ‘ बोलको गीतलाई महँगो लगानीमा तयार गरेको निर्माण युनिटले बताएको छ । बैशाख १ गते रिलिज मिति तोकिएको ‘लभ लभ लभ ‘मा स्वस्तिमा खड्का र सुरज पौडेलको अभिनय रहेको छ ।
फिल्मलाइ निरज कंडेलले खिचेका छन् भने संगीत सुरेश राईको छ । कविराज गहतराजको कोरियोग्राफी रहेको छ । फिल्मलाई शर्मिला पाण्डेले निर्माण गरेकी हुन् ।
