रंगखबर, काठमाडौँ – अभिनेता सौगात मल्ल पनि अब फिल्म निर्माणमा अगाडी सरेका छन् । उनले निर्देशक सुवर्ण थापासँग मिलेर फिल्म ‘दि सिक्रेट्स अफ: राधा’ निर्माण गर्न लागेका हुन् ।
माघ अन्तिम सातादेखि छायांकनमा जाने फिल्ममा निर्माणमा सौगात संलग्न भएको निर्देशक थापाले जानकारी दिए ।
यो फिल्म सौगातको आदियोगी भिजन र सुवर्णको व्यानरमा निर्माण हुनेछ । कथा नखुलाएको फिल्मको अहिले धमाधम वर्कशप चलिरहेको छ ।
फिल्ममा सौगातका अलावा निश्चल बस्नेत, दयाहाङ राई र खगेन्द्र लामिछानेलगायतको अभिनय रहने चर्चा छ । तर, निर्माण पक्षले यस विषयमा बोलि फुटाएको छैन ।
निर्देशक सुवर्णले यसअघि ‘फन्को’, ‘सुनगाभा’, र ‘बाटो मुनिको फुल २’ निर्देशन गरिसकेका छन् ।